PRESENTACIÓN DO CENTRO

O colexio Santa Juana de Lestonnac da institución relixiosa Compañía de María, atópase no Barrio de Caranza da cidade de Ferrol.
Comenza a funcionar no curso 1961-1962 nos baixos das vivendas da antiga E.N. BAZAN, para dar reposta educativa ás fillas dos traballadores de dita empresa. A principios dos anos 70 constrúese o polígono de Caranza, e tamén o edificio actual do colexio, que funciona dende o curso 1973-1974.

É un centro concertado nos niveis de educación infantil 3, 4 y 5 años (6 aulas), primaria (12 aulas), Secundaria obrigatoria (8 aulas) e Educación Especial (2 aulas).

O proxecto educativo Compañía de María conta cunha longa tradición de catro séculos. Ten como protagonista unha muller: Xoana de Lestonnac nacida en Burdeos en 1556. O seu segundo apelido, Eyquem de Montaigne, sitúanola como sobriña de Michel de Montaigne, humanista francés, autor dos Ensaios. Casa con Gastón de Montferrand e é nai de sete fillos.

Ós seus 47 anos, xa viúva, retírase ao mosteiro cisterciense das Feuillantines de Toulouse. Alí, nunha noite, sumida na angustia, na dúbida e na frustración, de sentir errado o seu camiño, sente con forza a chamada a "tender a man" a tanta xente que sofre nos "infernos" do seu tempo.

Despois duns anos de maduración interior e diferentes contactos na busca do querer de Deus, en 1607 nace a Compañía de María, Orde relixiosa dedicada á educación das mulleres. Unha iniciativa que, naquel tempo, comporta unha forte innovación. Na actualidade realiza a súa misión en tódalas partes do mundo.

O proxecto educativo Compañía de María, está cimentado nunha visión cristiá da vida: ten na persoa de Xesús o seu principio inspirador. A súa coherencia interna está animada por uns dinamismos que, na súa interacción e complementariedade, dan a este proxecto o seu propio rostro e a súa orixinalidade.

Acolle a novidade do Espírio que actúa na vida e en cada persoa. Detectar a súa chamada, sabela ler, facela medrar e avanzar con ela comporta un camiño educativo sempre aberto cara adiante.

• Acolle a diversidade e responde a cada persoa na súa orixinalidade
• Favorece a comunicación e o diálogo
• Potencia a autoestima, o crecemento do positivo e a integración no grupo.
• Posibilita a cada un/unha dar sentido á súa vida a través do encontro consigo mesmo/a cos outros/as e co Deus de Xesús.
• Fai do educador testemuña comprometida e compañeiro de crecemento persoal do alumno/a
• Crea marcos de referencia desde o que orientar o comportamento en resposabilidades e respecto.
• Axuda a crear conviccións desde as que a persoa actúe respectando aos demais.

 

• Coñecendo o contexto e analizándoo para dar resposta.
• A través dunha metodoloxía acción-reflexión-mellora na que teoría e práctica se harmonizan.De xeito que se goce aprendendoPara que cada alumno/a desenvolva as súas capacidades e se sitúe activamente na vida.
• No compromiso solidario para a transformación das estructuras inxustas.

 

Permitir ao alumno/a:

• Ser suxeito da súa propia educación.
• Poder percorrer os camiños do saber de forma autónoma.
• Aprender a desaprender en cada novo contexto.
• Facer da resolución de conflictos motivo de novas aprendizaxes e que o comportamento sexa reflexo do desenrolo persoal e cultural.
• Construir unha visión global dos feitos e facelos seus con sentido crítico.

 

A través de:

• Unha escola comunicativa que dá canle ás iniciativas e inquedanzas de tódolos seus membros, onde todos/as se senten implicados desde a complementaridade, a corresponsabilidade e o traballo en equipo.
• A coherencia entre os pincipios e valores do Procecto e a vida da comunidade.
• Unha organización flexible que se adapta á novidade da vida en crecemento.
• A avaliación continua e conxunta de todo o proceso educativo.