|
|
|
||
OBXECTIVO
O obxectivo do presente curso ven motivado pola conmemoración do Ano Internacional do Achegamento das Culturas, por un lado, e do Ano Internacional da Diversidade Biolóxica, polo outro.
Os valores asociados ás duas conmemoracións non son extranos para a nosa comunidade educativa. Somos un centro aberto, que acolle alumnado con realidades moi diversas e que intenta ofrecer un espazo no que convivir dunha forma libre e pacífica. Ano a ano velamos por seguir propoñendo aos nosos alumnos actividades que fomenten o diálogo, a comprensión, a cooperación, o entendemento, a apertura, o respecto polos iguais, polos diferentes, polo medioambiente,...
Entendemos como necesario continuar nesa labor porque somos conscientes da realidade de multiculturalidade manifesta no noso centro, no noso vecindario, na nosa cidade. As conmemoracións antes citadas non fan máis que confirmarnos que seguemos no camiño correcto, que a nosa inquedanza é tamén unha demanda compartida a nivel internacional e que temos que seguir asumindo ese reto.
A especial preocupación pola transmisión deses valores non nos fai perder a vista da outra grande vía de traballo que temos aberta dende hai varios cursos. Seguemos asumindo o reto de mellorar a aprendizaxe significativa do noso alumnado, velando pola formación de persoas competentes, garantía de éxitos persoais e profesionais.
A nosa condición de centro de integración garante unha especial implicación no coidado do diverso, por ofrecer un ensino adaptado a todas as necesidades e proporcionar ao noso alumnado as posibilidades máis axeitadas acorde coas súas capacidades ou circunstancias.
Segundo o arriba indicado, e baixo o lema “Un curso 100%”, pretendemos conquerir os seguintes obxectivos específicos segundo a etapa educativa que corresponda:EDUCACIÓN INFANTIL
- Recoñecer as diferencias como elemento enriquecedor da convivencia, tendo en conta que somos diferentes pero iguais en dereitos.
- Descubrir e aceptar as diferencias propias e dos demais
- Analizar condutas e actitudes tolerantes ou non, e aprender delas.
- Amosar interese e respecto por costumes diferentes ás propias.
- Mellorar a aprendizaxe autónoma a través da realización de proxectos didácticos
EDUCACIÓN PRIMARIA
- Fomentar a lectura como fonte de enriquecemento e apertura ao coñecemento e respecto ás distintas realidades culturais e como alternativa de ocio
EDUCACIÓN SECUNDARIA OBRIGATORIA
- Promover actividades que posibiliten a busca do 100% de éxito, do 100% de diálogo e de 100% de coidado da natureza.
- Introducir ao alumnado na súa realidade escolar, facéndolle partícipe da organización do curso e das actividades que lles atañen.
ENLACES |
||||
|
|
|
|
|
|
|
|