PRESENTACIÓN DO CENTRO
O colexio Santa Juana de Lestonnac da institución relixiosa Compañía de María, atópase no Barrio de Caranza da cidade de Ferrol.
Comenza a funcionar no curso 1961-1962 nos baixos das vivendas da antiga E.N. BAZAN, para dar reposta educativa ás fillas dos traballadores de dita empresa. A principios dos anos 70 constrúese o polígono de Caranza, e tamén o edificio actual do colexio, que funciona dende o curso 1973-1974.
É un centro concertado nos niveis de educación infantil 3, 4 y 5 años (6 aulas), primaria (12 aulas), Secundaria obrigatoria (8 aulas) e Educación Especial (2 aulas).
QUE PRETENDEMOS
?
O proxecto educativo Compañía de María, está cimentado nunha visión cristiá da vida: ten na persoa de Xesús o seu principio inspirador. A súa coherencia interna está animada por uns dinamismos que, na súa interacción e complementariedade, dan a este proxecto o seu propio rostro e a súa orixinalidade.
Aberto á novidade
Acolle a novidade do Espírio que actúa na vida e en cada persoa. Detectar a súa chamada, sabela ler, facela medrar e avanzar con ela comporta un camiño educativo sempre aberto cara adiante.
Personalizado
Ten no centro á persoa única e irrepetible, orixinal na súa singularidade, con identidade e nome propios, filla de Deus e chamada a vivir como irmá entre tódolos seres humanos.
